НАЧИН НА РАКОВОДЕЊЕ НА ПРЕТСЕДАТЕЛИТЕ НА БАЗИЧНИТЕ СИНДИКАТИ

Теоретски постојат многу начини за раководење, но за претседателите на базичните синдикати од Унијата на независните автономни синдикати на Македонија,кои се дел од една демократска организација, најсодветен начин е

ДЕМОКРАТСКИОТ:

Претседателот се стреми решенијата да се донесат заедно со раководството на базичниот синдикат, или од членовите. Тој ги користи методите на раководството, дозволувајќи им на членовите на базичниот синдикат, да почуствуваат дека се потребни, води сметка за учеството на членовите во работата на базичниот синдикат и за нивниот приод кон проблемите. На тој начин кај секој член се создава чуство дека е потребен и важен. Распределбата на работата во базичниот синдикат значително му ја олеснува работата на претседателот.

Добриот синдикален лидер треба да се стреми да ги развива во себе следните квалитети:

• Способност да влијае на луѓето и на збиднувањата;

• Способност да ги реализира одлуките и задачите;

• Готовност да помогне на молбите и желбите на синдикалните членови;

• Заштита на интересите на членовите на базичниот синдикат;

• Давање личен пример и способност да ги мотивира луѓето за работа;

• Знаење и способност да прима критики и да си ги корегира грешките;

• Знаење да даде добар совет;

• Способност да ги убеди членовите на базичниот синдикат да прифаќаат и да се согласуваат и со непријатни одлуки, ако тоа е потребно.