ПОТПИШУВАЊЕ И РЕГИСТРАЦИЈА НА КОЛЕКТИВНИОТ

Колективниот договор се потпишува во три еднакви примероци , по еден за секоја страна и еден за Инспекцијата на трудот . Истото важи и за дополнителните измени / анекси / кон Колективниот договор. Секој од нив се регистрира и се чува во Инспекцијата на трудот / според ЗРО /

КОНТРОЛА ЗА ИЗВРШУВАЊЕ НА КОЛЕКТИВНИОТ ДОГОВОР

Тоа е многу важна работа, која треба да се извршува по потпишувањето на Колективниот работен договор.

Одговорноста од работодавачот за неисполнувањето на Колективниот работен договор, може да се бара, како од синдикалната организација, така и од секој пооделен работник или службеник, страна од договорот.Одговорноста е сопствена во вредност на причинетите штети и се реализира по судски пат согласно ЗРО.

Друга можност за контрола може да произлезе и да се предвиди од текстот во самиот Колективен договор . Во времето по потпишувањето на колективниот договор веројатно ќе има редица несогласувања и конфликти .

Синдикалното раководство е должно со внимание да го следи и да бара стриктно применување на постигнатите договори.

Синдикалното раководство е должно :

 Да обезбеди на секој поединечен член пристап до текстот на новиот Колективен договор;

 да ги чува сите записници, економски информации и извештаи , кои се користени во процесот на колективното работно договарање;

 да подготви опширен извештај, за текот на поминатите преговори;

 да спроведе обука на членовите,за да можат сите да го научат и разберат новиот Колективен договор;

 да изразува благодарност на учесниците и помошниците кои активно учествувале во процесот на колективното работно договарање.